2022-23 ikasturtearen hasiera

2022-23 ikasturtearen hasiera irailaren 8an izango da ondorengo ordutegiarekin:

DBH-1: 9:00
DBH-2: 9:30
DBH-3: 10:00
DBH-4: 11:00
BATX-1: 12:00
BATX-2: 13:00

Egun hau aurkezpen-eguna da.

Ikasleak erreferentziako gelara hurbilduko dira, eta tutoreak ordutegiak eta beharrezkoak diren argibideak emango dizkie.

Erreferentziazko gelak: klikatu HEMEN

Ikasleen datuak babesteko, EZ da zerrendarik argitaratuko, ez web orrian ezta kristaldegietan ere.

Aurkezpenak, gutxi gorabehera, ordubete iraungo du.

Klaseak, adierazitako ordutegian, hurrengo egunean hasiko dira.

Gogorarazten dizuegu, irailean eta ekainean ordutegiak ez direla aldatzen.

Jantoki zerbitzua astelehenean, hilak 12, hasiko da.

 

Batxilergoko Sari Bereziak

  1. 2022/07/01 |
Eneko Vaca Ramirezek eta Eneko Plaza Barañanok, Batxilergoko 2. mailako ikasleek, Batxilergoko Sari Berezi bana lortu dute, Euskadin emandako 16 sarietatik.
Gertaera historikoa da institutuaren ibilbidean.
Oraindik ez dute erabaki Batxilergoko Sari Nazionaletara aurkeztuko diren ala ez.
Nolanahi ere, ZORIONAK!

Madlipz lehiaketa

  1. 2022/06/06 |
  2. Bego Ibarra

Aurten ere Hizkuntz Normalkuntza Batzordeak Madlipz lehiaketa antolatu du. Euskararen erabilera ikastetxean areagotzeko egiten den beste ekimen bat dugu hau. Aurtengo edizioko partaidetza iazkoa baino ugariagoa izan da.  Horrela jarraitzea espero dugu eta urtetik urtera uzta oparoagoa jasotzea.  Mila esker parte hartzaile guztiei aurkeztutako lan umoretsu eta ederrengatik. Zorionak!

Maiatzaren 3an, DBHko 3. eta 4. mailako ikasle hauek jaso zituzten sariak:

  1. saria: Gorka Iturregui Lorenzo eta Arane Malatsetxebarria Duce (3.3)
  2. saria: Zeus Alexander Silva Intriago eta Katerine Carmona Zuleta (4.1)
  3. saria: Ana María Adriana Vranceanu (4.2)

Gu Baigorrin

  1. 2022/05/23 |
  2. Bego Ibarra

Astelehenean, maiatzak 23, elkartrukeari jarraipena emanez Baigorrira joan ginen. Donostei kolegioko irakasle eta ikasleek harrera beroa egin ziguten. Oso egun polita izan zen elkarrekin euskaraz biziz eman genuena.

Lehendabizi, bisita gidatua izan genuen herrian zehar inguruko toponimia, baserrien izenak, etxeen arkitektura, bertako elizako historia eta Etxauzia jauregiari buruzko hainbat kontu interesgarri aztertuz. Ondoren, erreka inguruan giro onean bazkaldu eta gero, eguraldia eder-ederra zenez errekan bainua hartzeko aukera ere egon zen. Jarraian, jolas-txapelketa hasi zen: aulki-jokoa, zaku-lasterketa, koilaran arrautza garraiatzea, irinatan ahoarekin sagar zatiak aurkitzea, etab. Honen ostean, merienda goxoa eskaini ziguten. Etxerantz itzultzeko ordua iritsitakoan, emozioa dir-dir begietan, gaztetxoek elkar agurtu zuten berriro  ikustea gustatuko litzaiekeela esanez.

Ikusi HEMEN argazkiak.

ELKARTRUKE PAREGABEA!

Ohorezko Matrikulak

  1. 2022/05/24 |

Hauek izan dira 2021-22 ikasturteko Ohorezko Matrikuladunak Batxilergoan: Eneko Plaza, Maider Atencia, Leire Diez, Eneko Vaca, Paula Herrero eta Mireia Chouza

ZORIONAK!

Baigorritik Algortara

  1. 2022/05/09 |
  2. Bego Ibarra

Baigorriko Donostei kolegioko ikasleak eta irakaslea guregana etorri ziren aurreko ostiralean. Ongi etorri ederra prestatu genien aurresku, txalaparta eta bertso eta guzti. Zuzendariaren agurra eta gero, ikasle guztiek,  taldeka nahastuta, jolasen bidez elkar hobeto ezagutzeko aukera izan zuten. Jarraian, primerako eguraldiarekin, Portu Zaharrera abiatu ginen. Bertan,  gure ikasleek inguruko historiaz hitz egin zieten Donostei kolegiokoei; ondoren, ginkana bizi-bizi batean parte hartu zuten aztarnen bila Portuko bazterrak taldeka arakatuz. Honen ostean, Usategin, beste ikasle batzuk ezkerraldeaz eta meatzaldeaz mintzo egin ziren. Bazkalorduan Arrigunagara hurbildu ginen. Hondartzan bertan, gazteak kontu-kontari aritu ziren ogitartekoak jan bitartean. Ondoren, Aixerrotara iritsi ginen eta hantxe eman zitzaion hasiera eguneko azken lehiaketari. Hain zuzen ere, Getxoko zenbait leku esanguratsutako informazioa jaso eta selfiak egin. Egun zoragarria eman genuen elkarrekin. Gogotsu gaude 23an Baigorrira joan eta berriro elkar ikusteko. Ikusi bideoa hemen.